د. إياد قحوش
عيديي للشاعر الأديب شربل بعيني
**
كل ما نهار بهالدني
عشنا
منحسّ
إنّو اليوم بلّشنا
وعاقد ما حِشنا بْإيدينا
سْنين
متل الكأنو
بعد ما حِشنا
دخلك ياهالعمر
ن قصد تشرين
فوق الرصيف
وراق يفرشنا
قللو
كتير كتير جوعانين
نغوص بحنينك
بعد ما فِشنا
قللو
تْرِكنا عيون سهرانين
وإلا لوجه الصبح
ماعطشنا
قللو
بعد في جياب فضيانين
وحتى يسّدقنا
ينبّشنا
قللو
غصون الورد مشتاقين
تايحوشنا
حتى يحوّشنا
مرّه يضبضبنا
مع الحلوين
ومره مع الحلوين
يفلشنا
ياهالقمر
يارفيقنا المسكين
لّلي دروشك
هوّي لّلي دروشنا
فاض السّهر خيرو
عالبْساتين
وإلا الدمع منّو
ماطرطشنا
والليل خلف
دروبنا طْواحين
وغبره
عالحفافي بيبقبشنا
و دروبنا
مافي لها عْناوين
مره مندفش دربنا
ومنروح
ومره الدرب هوّي
بيدفشنا
هناك تعليق واحد:
ألف شكر يا أحلى دكتور.. وانشالله بتكون الأعياد كلها خير وبركة عليك وعلى عيالك.
شربل
إرسال تعليق