فضفــــــــــض ....وبوح

ايمن يحيي‏

فضفض وبوح.....واوعي صوتك جوه منك يتخنق

احلم واعيش......اوعي حلمك مره منك يتسرق

حب الحيـــــاه.....واوصل بحلمك في الحياه لمنتهاه

امسك في حلمك شوفوه فين كمّل معاه

واياك تخاف

خليك جرئ

وان شوفت قول انا قلبي شا ف

وارمي الهموم من ع الكتاف

واوعي في يوم اليأس يسكنلك طريق

اصل التفاؤل والامل افضل صديق

وان طالت العتمه اكيد الضي جاي

خلوا الامل جوه القلوب تملي حي

واياك في يوم تطاطي راسك تنحني

خلوا الكرامه تملا القلوب تتغني

لو ضاعت العزه في نفسك

صعب تاني تتبني

دا اللي يفرط يوم في حقه

يبقي حقه يتشنق

فضفض وبوح....واواعي صوتك جوه منك يتخنق