فوزي ناصر
الدنيا الصبح بكير
دقة على بابي
ما كنت مستني حدا
ما كنت موعود بحدا
يمكن هوا
يمكن هوى
يمكن حلم
يمكن علم
يمكن نوى
***
طليت
داعبني الندى
ناديت
جاوبني الصدى
رديت بابي منيح
خوفي ما تيجي الريح
بتزمر وبتصيح
تخبو
تخبو منيح
جايي اله العاصفة
جايي اله الريح
***
ما هديت
والدقة على بابي
يمكن
شي حزمة نور
تتحدى العتم
جايي ومعاها سرور
فل وحبق وزهور
ويمكن
هوى
بدق عا بابي
يمكن
أجو حبابي
جابن حنينن لزمن ماض
وتذكروا بوابي
***
ويمكن
أنا غلطان
يمكن خيالي دق عا بابي
ويمكن
ألف يمكن……
وزاد دق الباب عا قلبي
وزاد دق القلب عا بابي !
*********************
فوزي ناصر- شاعر وكاتب ومرشد سياحي في معالم فلسطين
fauzi_hn@017.net.il
ليست هناك تعليقات:
إرسال تعليق