يا اهل الطَّناش

محمـد محمد على جنيـدى
يا اهل الطَّناش
يامْنَفَّضِنْلي فْ. سَمعكم
مُمكن سؤال من فضلكم ؟
أنا مين رماني فْ.وسطكم
مَعرفش ليه باسمع لكم
ويوم ما انادي وأقولكم
تبقم طناش كدا كُلّكم!
على بعضكم!
ودا اللي باخده منُّكم
يا ناس حرام..
دا صحيح حرام
حرام اكون محسوب عليك
أخ وأخوك مُش لاقي فيك
حَبِّةْ حنان والله عاطيك
الله غانيك
والله لو هَتعيش لِفِين
بردوا النَّعيم زايد عليك
طب كُلّ دا رايح لِمين
طب خد نصيحه فْ.كلمتين
أبعتْ يا سيدي عشان يزيد
خيرك وتنعم بالمزيد
هَقُولَّك ايه
واعيد لك ايه!
طب عيش لحدّ متين سنه
خليك على اللي انت عليه
غطسان وعايم ف.الهنا
مبروك عليك
مبروك عليك
يا ربِّ تغرق ف. النعيم
بس ِّانت حسّ باخوك يلين
ويهون عذابه حبِّتين
دانا م.الضنين
بحسب شمالي على اللمين
وما عُدت عارف كان وفين
مرات بقول انا اسمي إيه
أنا أبقى مين!!
واحترت أشكي واقول يا مين
وغلبت اهاتي وم.الأنين
بصرخ وانادي ف. طرشكم
يا مطنَّاشين
يا سَهْتانين
يا منفَّضنلي فْ. سمعكم
مُمكن سؤال من فضلكم
أنا مين رماني فْ. وسطكم
يا اهل الطَّناش

m_mohamed_genedy@yahoo.com