شوقي مسلماني
حيّا كاتب هذه السطور إبداعات الشعر العامّي الحديث، وكمثال: إنتاج الشاعر جرمانوس جرمانوس. وكان الردّ عالي النبرة في صحيفة المستقبل العربيّة الأستراليّة من شعراء عصبة الزجل .. بأنّ الموروث وحده الشعر. هنا ردّ بكلمة عاميّة.
قالْ شوقي كلمه طيّبه
وْيا ويلْ شوقي لو فضح المستور
كان الشاعر النسر كبسْ عالشاعر الزغلول
والشاعرْ كسّابْ خِسِرْ
والشاعر ملْكي طَفَشْ
وكانت عصبة الزجلْ دابت
متلْ فصّ الملحْ
يا نسرْ ليش ..
وْإنتِ نسِر ..
وْعالي شعر النسِر ..
المشالقه بالبيض مش إلك ..
وليش يا زغلولْ؟
الشاعر الوديع ما بيقولْ:
"الشعر الحديث ما بنطبعو"
الشعر شعِر
صوره ومنجيره
الشعر عقل وقلب
وْخَيَال
الشعر نظرة مجرّه.
**
القصيده بْتولد بالعتم
والشاعر قمر
ما عنده بلاغْ رقم واحد
الشاعر هُوّي بلاغ رقم واحد
الشاعر روح.
**
بردان الشعر
حافي بأستراليا
"الشروقي" ما بدّو محامي
الأبيضْ أبيض
والنارْ نار.
**
وزن وقافيه؟
وين الوزن والقافيه؟
شو الشهبْ والنيازك؟
يا مسكّرين افتحوا الطريقْ
الموضوع بليون موضوع
مش عشره أو عشرين
ناس بيشوفوا عَ بعُد متر
وناس بيشوفوا عَ بعُد مجرّه.
**
الشعرا ملْكي وكسّاب والنسر والزغلول
شيوخْ قوافي
والشعرا ما بِيضيّعوا الطريق
وْما بيضحّوا بالجْديد
عَ مدبح العتيق
للعتيق هيبه
وْللجديد هيبه.
ليست هناك تعليقات:
إرسال تعليق