رباعيات

ايمن يحيي

اصعب حقيقه في الحياه هي الفراق
ساعتها بس تحس معني الاشتياق
وان الحياه قد ايه صغيره
والحر زي العبد
في الموت كله سواء
وعجبي


لملمت جرحي وقولت اعيش وانسي اللي كان ماضي
دي سنين كتير من عمري ياما
عدت علي الفاضي
وحاولت اكون انسان جديد
لكن جرحي مهوش راضي
وعجبي


نفس المكان كنا هنا
بيتنا القديم..نفس الحيطان مرسوم عليها حلمنا
بس الصغار مبقوش صغار
ولا دي ملامح حينا
وعجبي


في فحياتنا دموع
دمعه فرح ودمعه حزن ودمعه خوف وخشوع
لما بتفرح تلقي الدمعه بتبقي معاك
واما بتحزن تلقي الدمعه بتستناك
واما تخاف من رب الكون
تبقي دموعك زي شموع
وعجبي


صعبه الحياه لو يوم تعيش من غير حبيب
تبقي الحياه زي العليل من غير طبيب
زي اللي تاهت خطوته
ماشي في طريق مش سكته
حلمه يلاقي طوق نجاه في ليل غريب
وعجبي


صحيت في يوم علي صوت حمام فارد جناحه للسما
فرحان بلقمه جاتله
ماهي ارزاق متقسمه
عايش طليق من غير قيود
قلت ياريتني كنت انا
وعجبي

لحظه صدق ومرت بيا
شوفت حقيقه نفسي بجد
طفل صغير مالي الدنيا
ضحك ولعب وجذب وشد
وعجبي