مفيد نبزو- محردة
الليلة العبقرية التي وقفت فيها أمام عشاق تاج الشرق المضيء، والذي قيل عنه: عاصمة الأصوات، وقلت عنه الأرزة الخالدة، الفنان الكبير، الذي بحضوره تحضر القصيدة: وللذكرى والتاريخ 29 -8 – آب – 2002 م-سوريا- فندق الوادي:
فادي نبزو ابن أخي يتوسط الفنان الكبير وولده انطوان الصافي أبو بشارة
مشتاق اشرب نخب هالصافي وديع
ومشتاق قلُّو شعر ما بعمرو انقال
يِّلي بقلبو حضن هالكون الوسيع
واللِّي بصوتو هزّ مملكة الخيال
وإن طلّ وجهو طلّ من وجهو الربيع
وإن حنّ صوتو زلزل بروس الجبال
وما بقول صوتك بس صوت الينابيع
صوت المحيط البحر
صوت المطر والنهر
صوت الطبيعة العاشقة الشلال،
وعمرو السهر
ما حلي ولا سكرت الألحان
ومن طلّ وجهك يا قمر
شفت القمر سكران
شفت الثريا والسهى وسهيل والميزان
هامو بصوتك يا وديع تولهو الغزلان
وسألت قالولي الصافي هون
صوت السما والجبل والوديان
ناديت من فرحتي لفرش دروبك
بالحبق والفل،
وافرش دروبك زنبق وريحان
غنيت لبلادك صرت تاريخ
وللزمن مثلك ما انكتب عنوان
وغنيت أمجاد الوطن يا رب
يا رب لا تخلِّي الوطن أوطان
وبعدك بتعطي مثل ينبوع السما
وطافح بحر قلبك من الإيمان
وحروف اسمك يا بو فادي مسَّطرة
من أرض أعطت للدني جبران
وحروف اسمك يا بو فادي معَّطرة
وبعدك سفير الشمس ع كل الدني
وبعدك الأرزة الخالدة بلبنان
***************************
ليست هناك تعليقات:
إرسال تعليق