ومين يعيش

محمد محمد علي جنيدي
علشان تعيش لازم أموت
نظريه طازه مْنِ التَّابوت
د انا مهما أبكي
بأعلى صوت
وأحاول اجرى
مُش هَفُوت
وازَّاى افوت
ازَّاي افوت
وانا من سلالة العنكبوت
راضي بحيطه فْ. وسط بيت
والعيشه غاليه بفول وزيت
وانتم ببحر الظُّلم حوت
عايشين فِ. أحضان الياقوت
وفطركوا شهد وبسكويت
وعيونكوا طَلَّه ف.كلّ بيت
وبرغم كُلّ العدل دا
مِتْخَوَّفين !!
مِنْ مين يا ناس مِتْخَوَّفين
مِتْقَلَّقِين !!
د انا أخري بسّ بَقول نويت!
وياريت ما اقول
علشان أسيت
وأسيت داريت!
وبكيت .. ياريت
ياريت ما اقول كلمة ياريت
ما العيشه لَمَّا تكون هباب
والحلم يجري ورا السَّراب
يبقى ماليش غير السّكوت
وانا لَمَّا ادوب وسط السّكوت
تقدر تغني بأعلى صوت
وتعيش ولكن!
مين يعيش ..
لازم هيجي ف. يوم يموت !!