ايمن يحيي
يا ورده الحب اللي فينا اطرحي
بوسي خدودنا فرحينا وافرحي
وان مره جه ابليس يغازل سكتك
اقفلي بابك في وشه...وف وشوشنا افتحي
وعجبي
الحب حاجه دايما بتيجي دايما بتيجي من غير سبب
ويّا تشوف حاجات كتير ليها العجب
تحب ناره تهوي مراره
ويّا الحبيب يحلي التعب
وعجبي
لو في يوم تقدر تقول كلمة بحبك متخبيهاش
عمر اللي يكتمها في قلبه لحظه حلوه في عمره عاش
قولها للدنيا بصوت عالي وجرئ
كفايه انتا تحسه...حتي لو غيرك محسهاش
وعجبي
قالوا زمان الموج غريق
رديت انا قده
واللي يخاف خليه بعيد
خليه علي قده
بس الجميل لما برمشه رماني
طلبت انا وده
وعجبي
الحب خمره بتسكرك تاخد قلوب
تمشي في سكه تلاقي قلبك بكلمه حلوه قوام يدوب
وتلاقي قلبك يتخطف
وكأنه لعبه في ايد فتاه حلوه لعوب
وعجبي
بيوصفوك يا حب قالوا عليك عذاب
قولت اجرب التقيت قلبي في حبيبي داب
واما مره عن عيوني حب عمري غاب
قولت اااااااااااااااااه وبايديه كتبت ليه مليون جواب
وعجبي
ليست هناك تعليقات:
إرسال تعليق