مصـــــــــر العفيــــــــه لا يمكـــــــن تمــــــــوت

أيمن يحيى

مصر العفيه لا يمكن تموت

تعافر تناور تقاوم تغامر

تخطي ألمها وكله يفوت

بتمرض دا ممكن ولكن لا يمكن

يطّول مرضها ويبقي سكوت

تهادن تماين تخبي اللي باين

وتظهر نيابها لظلم حقود

في عز الشدايد تلاقي ولادها

يقوموا في لحظه يفكوا القيود

ويكتر فسادها فتنده ولادها

غيتوني الحقوني يقوموا اسود

يردوا السؤال وثوره جمال

بتشهد يا بلدي يا ست الوجود

جوامعك كنايسك وربي اللي حارسك

دا هوه اللي سلاحك وسر الخلود

بحبك برغم القساوه ساعات

ومهما يحاولوا يزيدوا الاهات

في لوني سمارك وبكره نهارك

يبدد ضلامك ومجدك يعود

مصــــــــر العفيـــــــــه لا يمكــــــــن تمــــــــوت