لا تخيبي ظني

مفيد نبزو

محردة
لا تخيبي ظنِّي

ولا تسألي هالناس
كلُّن بيغارو بالهوى مني
قومي اسألي العصفور والفلِّة
قومي اسألي العنبات والدَّالي
قومي اسألي الشحرور والينبوع
ولو تسألي حمامات ضيعتنا
كلُّن بيحكو بالصدق عنِّي
كلما ضحك هالسنْ
بيعود يزغر بالهوى سنِّي
وكيف بدي حنْ
وع هالقلب ما يوم بتحني
عشقي عشق نحلات ع شفاف الزهورْ
عشقي عشق شلال ع كتاف الصخورْ
عشقي عشق موال بعراس الطيورْ
عشقي عشق مغزال عم يغزل النورْ
وللسحر عندي وللفرح جوقة
لعيونك الحلوين بتغنِّي
لعيونك الحلوين بتغنِّي
لعيونك الحلوين بتغنِّي