عيدية

مفيد نبزو

- محردة-

بخشوع بصلِّي بخشوعْ

لأجل اسمك يا يسوعْ

وبشعِّل وبضوِّي شموعْ

وقلبي طافحْ بالإيمانْ

**

يا يسوع تنجِّينا

سامحنا كلْما خطينا

وللتجارب قوِّينا

علمنا سرّ الغفرانْ

**

بحني راسي لأنجيلك

وين ما رحت بصلِّيلك

هالة نور بإكليلك

عم تضوي بليل الأحزانْ

**

وعم ارفع إلك قلبي

يا معلمني المحبهِ

ومن إحسانك يا ربي

تعلمنا معنى الإحسانْ

**

رفعوا لصين حواليك

دقوا مسامير بإيديك

صلبوك وما سمعوا عليك

سمعوا ع صوت الشيطانْ

**

ع تيابك عم يختلفوا

وع اسمك ما بيعترفوا

وبالقيامة ما عرفوا

لحتَّى شافوا الأكفانْ

**

يا قاهر شوك الردى

ما مات الفيك اهتدى

من يوم ما كنت الفدا

ما عاد للموت سلطانْ

**

قدوس واسمك قدوس

يا آتي ومعك الناموس

كلْما بيدقّ الناقوس

بمجِّد خالق هالإنسانْ