أعزائي قراء مجلة ليلى:
يكلم الآلهة كل مساء
ويكتب للجمال وصاياه .
هذا هو عصام يوسف
أخي وصديقي وشفيعي في يوم قيامة الشعراء .
اليكم خصلته الأولى :
د. إياد قحوش
**
بهاك الصحو
لْ من وج عينيكي شهق
و لهفة نهر شي من صلا
شي من حبق
صارو القصايد يخلصو...
شو بيكتبو !!! ....
حالن عا ورده ...
و العطر عبّا الورق..؟؟
ما ضل في إلهن مطارح عالسطور
و كل الورق
شي خصور
شي غنجة خصور
و يحترق حبر الحكي بتم الزهور
كلما الندي عا آخر الورقه مرق
شو هالندي يكتب ..
و إنتي ناطره
شو خاطرا بْبالو
تا يكتب خاطرا..؟؟
حبوب الندي بْسرقة حلاكي شاطرا
و أحلى الشعر يلّي من الورد انسرق
نقطة ندي توقع
من الورقا بْحنان
تنزل عا ورقا تانيي يضج المكان
متل لْ كأنّو بتعزف بيانو كمان
و بين الموسيقا و الشعر قلبي احترق
بخّور فوق المذبح..
و وجّك عبق
**
عصام يوسف
**
عصام يوسف
مشتى الحلو
-سوريا
ليست هناك تعليقات:
إرسال تعليق