أنا المصري

محمد محمد علي جنيدي
يا ريت يا مصري ما تسلِّم

ولا تراهن على همَّك وتتألِّم

ومين يعرف!

ما جايز الحزن ما يطوِّل

ويجي اليوم..

تعيش اجمل من الأوِّل

مدام قادر تقول لأَّه

وقادر بردو تتحمِّل

مدام مُمكن تقول رأيك

وتتحاور وتتكلِّم

مَهُشْ مُمكن

يدوم الهَمِّ للآخر

ومُش مُمكن

مع صبرك تكون خاسر

تأكَّدْ..

إنَّ لا يمكن يضيع حلمك

تريخك كُلُّه من إيدك ومن كَدَّك

ولا تراهن على همَّك

واقول رأيك

بأعلى صوتك اتكلِّم

مدام من مصر يا مصري

هَتتقدَّم.. وهَتقاوم.. وهَتعلِّم

وهَتغني لكلِّ الكون

أنا المصري .. أنا المصري

مَهُشْ طبعي انَّ انا أبكي

ولا ف. طبعي انَّ انا استسلم