غصن الزيتون

ايمن يحيي‏
الامه واحده بس ليه متفرقه؟؟
العين عليها والسهام مترشقه
دارفور بتشكي صوتها يوجع في الجولان
غزه بتنزف صوتها واصل للسودان
وفي كل دوله تلقي حته مشققه
قالوا سلام ..قولنا آمين
وفي ثانيه روحنا مسلّمين
غصن الزيتون كان في الشمال
بس الخناجر في اليمين
العيب في مين؟؟
حكّامنا والا المحكومين؟؟
احنا اللي كانوا بيعملولنا حساب زمان
بقينا ليهم مذلولين
احنا الحضاره والعراقه والتاريخ
بقينا ليهم محتاجين
يا أمه قومي اتحركي
فوقي بقي
لامتي راضيه بالهوان
ولامتي لسه مصدقه
ان في سلامهم في امل
عمر اللي راح ما يعود بغير علم وسلاح
وصناعه قادره تحققي بيها النجاح
سامعه كلامي؟؟
فاهمه كلامي؟؟
ولا مصيري زي غيري
غنوه وتاخدها الرياح