كرسي عم الشيخ جلال

ايمن يحيي‏

عم مرسي جارنا ساكن جنب بيتنا من زمان
اسطي باشا في الموبيليا
يحكوا عنه كان وكان
ايده تتلف في حرير
الزباين عنده ياما كتير كتير
الغلابه والمدير
جه في يوم الشيخ جلال
قالّه عايز كرسي بس يكون تيفال
يبقي مني هديه لجناب الوزير
اللي خلي الكرسي يتحول سرير
بطّنه بقماش حرير
ونام وريّح
حس انه مستريح
رد عم مرسي قال
تسلم الفكره يا شيخنا
عمر ما شوفنا في تاريخنا
حد م الكرسي استقال
الا ويّا كرسي عم الشيخ جلال