صوتك

عصام يوسف

شو صوتك .. الفيروز !!
شو بحّة قصب ..
شو دفقة الشلال ..
شو لون الدهب ؟؟
لا... هالحكي كلّو انكتب !!..
***
صوتك لْ بعدو م انرسم .. م انقال
صوتك يا كل لْ ما انحكى
إلا خمر
مرّه دلق .. مرّه تكى
متل السؤال
بيقول كل لْ ما انحكى
و بيخربط بكلشي انقال
***
صوتك اللي بيعلّم
الورده الحكي
شهقة دفا بقلب
الصقيع
و بيعلّم الدمعه البكي
بتكون محّاية حكي
بتصير محّاية ربيع
***
الله شو تروحن الريح
بهالجبال
شو سلطن الليل
بلا ألفيّة ندي
قال بيكفّي عا جنبو
تقعدي
كان الصدى
مرقة قصيده عالخيال
صار الصدى مرقة
حلاكي عالجمال
و رهجة دفا صوتك
عا نار الموقدي

*******************

مشتى الحلو - سوريا