إياد قحوش.. الشاعر

يكتب الدكتور الشاعر إياد قحوش الزجل بتلقائية ملفتة، كما أنه يتابع أخبار شعرائه، ويحفظ أشعارهم ويتغنى بها، فإذا وفّق واحد منهم بقصيدة ما، عمل على نشرها في مواقع مختلفة، وعلى توزيعها على كل من يعشق الزجل من أصحابه. كما أنه في الوقت ذاته يكتب الشعر الفصيح والمقالات الهادفة، وينشر بنات أفكاره الجميلات أنى تراقصت الكلمات. إنه إبن مرمريتا البلدة الوادعةالشامخة في ربوع سوريا. ومن كان إبن الجبال والطبيعة من الصعب ألا يعشق الزجل. ومن الصعب ألا يبدع بنظمه، وإليكم إحدى قصائده:
ـ1ـ

وبترنّ عالدفتر
ريشة غناني البرد
من حلمها المبلول
وبتصير تتذكّر
وتنتّف بهالورد
فوق السطر وتقول
بيحبّني .. معقول?
وبيغصّ حرف النّون بالنقطه
معقول ما بيحبني ?
وبينام حرف الياء عالشّحطه
وفوق الورد بتصير
لمّا الورد منتوف
تمشي وتتمختر
بتصفُن بحرف النّون..
شو بيعجبا.. أشقر
وبتخطّ خمس حروف
مجنون ..? اي مجنون ..
مجنون ومكتّر
ـ2ـ

لاتسألي عنّو
سافر عَ جنح الرّيح
موّال ليلة تلجْ
وتارك عَ دربو زيح
الّلي قربو منّو
شافو دموع ونار ..
دخانها تلميح
وداروا مع البيكار
صار الهوا مراجيح ..
الما بيعرفوا إنّو
شهر البكي كانون
وقفوا عَ بابو نهار
ويجربوا مفاتيح
وكتبوا ع باب الدّا
مجنون .. إي مجنون ..
مجنون ومكتّر
ـ3ـ

وهالناطرين الصوت
يروح ما يرجع ..
قعدوا ع نهر الموت

شافوا الصدى جايي
وبيهز عالميلين ..
حصان وشحط مدفع
وبالخرج في حكايه
عن شاعر النهرين
السافر ع تكايه
بالحلم .. طول الليل
ولما فتح العيون
اتطلع بالمرايه
اتطلع ..قشع مجنون .
.مجنون..اي مجنون ..
مجنون ومكتر